要關仁界定「醒醒」嘅身份真係有啲難度，佢係童星出身，原本主力拍劇，之後轉型做歌手，一直都半紅不黑，好在都有廣告仔拍吓，咁都算keep住啲知名度。
發火鬧人
不過醒醒份人就一啲都唔醒，仲當正自己係當紅巨星，話說佢之前走咗去駕駛學院學車，佢怕有人認得佢呢位「巨星」，所以做定準備戴晒黑超，由於現場有其他同學仔，人哋左望望右望望時，佢就以為人哋𥄫緊佢，於是就聲大夾惡發火鬧人：「望咩？未見過明星呀！」唔講仲以為佢自認黑社會㖭，無辜俾佢鬧嘅同學仔，當時真係認唔出呢位所謂嘅明星，所以都即時回敬醒醒話唔識佢，搞到醒醒勁𤓓。
撰文：關仁