本港高樓價問題政府束手無策，梁振英首份施政報告出爐後，樓市反應更瘋狂。全港各大屋苑在報告公佈後首個周末即掀起睇樓潮，昨天部份地產代理在繁忙時段要「封舖」外出睇樓。天水圍嘉湖山莊業主獲代理通知有人約睇樓，即時加價36萬元。
施政報告無辣招，不少市民均擔心樓市會再現新升浪，怕遲買更貴而加快入市。施政報告公佈後首周末，全港各屋苑睇樓人數明顯增加。其中缺盤嚴重的上車屋苑九龍灣淘大花園，其中一間地產代理更誇張到在部份時段要封舖，總動員帶客外出睇樓。
淘大地產舖「真空」
昨午四點半，世紀21萬盈位於淘大花園的地舖分行完全沒人，全店關燈。記者在該舖逗留約五分鐘，即見該公司其中一職員趕回來開門。這名不願上鏡的地產代理向記者稱，因這時段同時間有幾組客睇樓，而該公司又只有四至五名職員，所以「拉閘出晒去（睇樓）」。該公司董事翟韻璇表示，即使以往周六繁忙時段，公司都「好少要拉閘」，施政報告無辣招加強市民入市信心，市場又逐步消化政府去年底推出的買家印花稅（BSD）辣招，樓市再癲過。
業主瘋狂反價封盤，盤源越趨緊張下更令部份屋苑「冇樓睇」。林小姐是九龍灣區業主，因有意換樓，加上想「出嚟睇吓」施政報告公佈後樓市最新走向，因她預期政府增供應，樓價會跌，可惜這些中遠期房屋政策，短期樓價難望下跌，更甚的是不少業主心雄封盤，令她「想搵個盤睇下都冇」。她計劃以換樓形式在區內買個面積較大單位；但她想睇的單位，地產經紀以不是業主反價或有租約推卻，最後一個盤都找不到。
香港置業營業經理胡善恆表示，施政報告一出，淘大花園即多達三成業主反價封盤。全城勁缺盤，淘大花園有4,896個住宅單位，但現供買賣的「鎖匙盤」只有六至七個。
叫價反覆阻礙成交
祥益地產分行經理蕭嘉偉表示，嘉湖山莊美湖居六座高層一個實用面積441方呎兩房戶，叫價一直都是260萬元，但業主一聽見有客想睇樓，即加價36萬元至296萬元，但最後都是約不到睇樓。同屋苑一個實用面積636方呎中層三房戶，業主收實350萬元，有買家已畀到這口價，即使業主反價15萬元至365萬元，該買家仍照追，但業主「仲話要諗諗」。蕭續稱，市場客是多，惟業主叫價一時一樣阻礙成交。
搶盤實錄
成交單位
沙田第一城23座中層C室
建築/實用面積（方呎）：395/327
備註：350萬元易手，屋苑細戶實用呎價10,703元創新高
鰂魚涌太古城天星閣低層B室
建築/實用面積（方呎）：800/707
備註：本地用家即睇即買，以895萬元購入
反價單位
九龍灣淘大花園J座中層8室
建築/實用面積（方呎）：484/378
備註：原叫價383萬元，反價7萬元至390萬元
天水圍嘉湖山莊美湖居6座高層
建築/實用面積（方呎）：584/441
備註：業主以260萬元放盤，有客約睇樓即加價36萬元至296萬元
資料來源：地產代理