18位應屆候選亞姐噚日性感出擊，分別穿上明晚《ATV2012亞洲小姐競選總決賽》嘅晚裝同泳裝見傳媒，大會形象總監何國鉦從旁解構呢啲性感衣服，3號絲域蘭娜古拉高華嘅露背美人魚透視look最誘惑，身邊兩側同前面胸口對下透視直落，連肉色打底內褲都睇得清清楚楚，相信唔少男士睇到都會心郁郁。
２號葉詩琪同13號付蓉着嘅高衩泳裝都唔嘢少，好易走位現下體，要佳麗向高難度挑戰。18號孔芊芊真空上陣，只得一塊布仔遮住重點，相信大會都睇準佢得32吋微波，容易掌握，冇咁易走光。所以話選亞姐除咗捱得，仲要有勇氣，日日要賣弄性感真係唔簡單。
撰文：洪紅克
