積金局建議調高強積金供款的上下限，下限由6500蚊調高至最多7100蚊，上限則由25000蚊調高至30000蚊，估計令每月供款多1.8億銀。
老實講，強積金推出以來問題多多，收費貴、回報差一直為人詬病，對毛丘在內嘅大部份打工仔來說，畀強積金搵足十幾年笨，肥嘅係一眾受託人同基金經埋，個餅越大佢哋就越和味。
政府話會全方位檢討現行強積金制度，梁振英喺上周施政報告提到會用不同方法要受託人減收費，若一個有問題嘅MPF制度下要人增加供款，等同幫受託人加大搵笨力度，擺明當大家係「老襯」。
現在不如集中諗下點執番好個制度，喺收費降到合理水平、基金回報交到差前，咪搞咁多嘢啦！
魯毛丘