先後在無綫和亞視做過藝人的蒲進，99年入行至今，13年多的演藝生涯，夥拍過不少前輩，他直言由他們身上獲益良多，當中最感激的有無綫出爐視帝黎耀祥、歐陽震華（Bobby）、林韋辰和劉錫賢。
蒲進回想在無綫跟祥仔和Bobby合作的點滴，他說：「記得嗰時藝訓班剛出嚟，同Bobby拍《陀槍師姐》，佢真係好有阿哥風範，唔單止成日請食飯，佢見我呢個𡃁仔喺廠掛住玩，過晒火都唔知，Bobby捉我埋一邊說教，但絕對唔係兇人。同祥仔合作，佢會教我點樣思考同咀嚼個角色，現場睇祥仔演戲簡直係享受。」
自問出路遇貴人
即使過檔亞視，蒲進一樣有幸遇到恩師，他說：「阿辰（林韋辰）食素信佛，佢教識我點樣心平氣和，佢同劉錫賢做主持都口齒伶俐，佢哋教我點樣執生。」蒲進一直記住這班前輩的諄諄善誘，他坦言：「佢哋真心錫我，唔錫你得鬼閒睬你咩，人哋咪由你hea囉。」
【2012年度勁膠金曲頒獎禮】
可能係今年最公正嘅頒獎禮，保證冇內定冇黑幕，快啲去投選你心目中今年最膠嘅歌曲啦！本月20號將揭曉誰是最膠XD
→ http://campaign.appledaily.com/2012awards