闊別香港一年嘅世界女排大獎賽，終於返嚟喇，仲由以往12隊增至20隊，將會喺8月9號起一連3日假紅館舉行，除咗中國女排夠照外，其餘3隊包括土耳其、阿根廷同捷克，實力就麻麻。預計票價同以前差唔多，但就俾澳門飲頭啖湯，事關佢哋會先喺8月2號舉行第一站，亦同樣有中國女排，相信唔少香港排球迷會過大海睇波。