僭建成性的梁振英做特首後，重施故技在政府僭建多個諮詢委員會及小組，更豪擲五億元公帑成立漁業持續發展基金委員會，協助發展可持續及高增值的運作模式，又委任梁粉加入中醫中藥發展委員會，梁被指明益自己友，以公帑酬謝去年助梁入閘選特首的漁農界。
政府昨公佈中醫中藥發展委員會成員名單，任期下月1日開始。非官方委員包括「梁振英門徒」、曾任專業促進會會董的香港註冊中醫學會會長馮玖。
去年特首選戰，漁農界60名選委當中，57人提名梁振英。時事評論員劉銳紹指漁農界保梁入閘立功，梁撥5億元設漁業基金，旨在政治回饋「分餅仔」，「漁農界成日俾人話唔應該獨立成界，五億元咁多，係不成比例」。
港九新界海外漁業批發商會理事長許漢文表示，以往政府撥款未能持續幫助業界，「希望今次做到底，唔好講完就算」。他說兩個月前曾向梁振英要求批發市場凍租，梁尚未答覆，「我哋唔係想要錢，而係謀生環境」。
「多隻香爐多隻鬼」
劉續指，董建華當年以發展中藥港為名，擴大政治聯盟為實，相信梁振英亦循此途鞏固支持者勢力，「董建華確立中醫地位，等多一班人支持政府，搞中藥港唔係真正目的。連澳門橫琴都搞中藥產業化，香港做過乜？」
工商及科技局前局長王永平表示，以往政府成立委員會針對長遠規策，「搵專家傾吓先，慢慢研究，即係想拖時間」。董建華的國際顧問委員會囊括全球政商界猛人，創新科技委員會找來知名華裔學者田長霖，最後都不了了之，「梁振英搞咁多委員會，有啲荒謬。咁多香爐，咁多隻鬼，特首做唔掂就有得賴」。
王永平續稱，以往委員會成員由局長推薦，交特首決定，若名單須經中央政策組高靜芝審批，勢加劇政府內部矛盾，「以後會唔會搞親疏有別，入到委員會嘅唔係因為有專才，只係因為佢係梁營？」
齊心一意，打救行騙長官梁振英
http://www.tomonews.net/game/bslapcy/web/