【公司慶祝】
港股暢旺，一眾財金界名人亦選擇「豪食」團年飯，部份「賺到錢」的大企業及證券行更選擇光顧高檔次食肆。訊匯證券行政總裁沈振盈透露，由於公司慶祝周年紀念，訂酒席價格更由5000元一席「升呢」至1萬元一席，豪食過蛇年。
鄧聲興：加價一成合理
沈振盈表示，由於食肆訂座太過爆滿，公司的團年飯亦要推遲，「今年公司20周年，老闆創業40周年，所以會搞得隆重啲，會去會展度食，大約8000至10000元一圍啦！以往都提早九個月訂位，因為高檔少少嘅地方都幾爆。」
AMTD證券業務部總經理鄧聲興表示會與家人外出團年。他說：「會揀時代廣場間利苑，五個人係1000至2000蚊，價錢升咗一成，都算合理，我認為如果到農曆年尾個股市仲係咁旺，應該會更多人出嚟食飯，到時中檔嘅食肆都應該幾好生意。」
大集團今年食團年飯亦非常豪爽，如中石化（386）旗下香港公司今年移師會展訂約36席，每圍盛惠1.3萬元。有財經公關透露，早在一星期前已為內地客訂座，首選兩萬元一席的飯宴，「啲客嘅使費同去年差唔多，但訂位麻煩咗，成日爆。」