李克勤、朱晨麗和黃心穎等昨日到馬鞍山一男校宣傳無綫節目《決戰一分鐘》，大批男生見到眾女藝人，即失控瘋狂要求合照，冷落克勤，影大合照時更有學生高呼「送禮勤」，令克勤甚尷尬。
帶病現身的克勤表示因感冒，要跟兩個囝囝隔離，他又指節目尚餘十多集，稍後會加插藝人版及對戰版：「藝人版想搵阿叻（陳百祥）同Do姐（鄭裕玲），另外對戰版可以係環球對英皇，或者林峯對黎耀祥。」
提及早前的勁歌頒獎禮，克勤說：「我有睇，畀條路人行吓啦，賽制係咁，所以快啲搞番掂（指四大唱片公司）啦，據我所知就好事近。」朱晨麗透露正跟歐陽震華等拍劇，劇中她演對方媽媽﹕「初初同佢會有啲曖昧，個古仔幾得意，首次試化老妝。」
採訪、攝影：譚倩宜
【2012年度勁膠金曲頒獎禮】
可能係今年最公正嘅頒獎禮，保證冇內定冇黑幕，快啲去投選你心目中今年最膠嘅歌曲啦！本月20號將揭曉誰是最膠XD
→ http://campaign.appledaily.com/2012awards