獨立股評人黃偉康（Andrew）舊年10月底離開靈獅，聽聞佢搵來投資移民公司天瑪仕國際合作開一間新嘅證券行，諗住幫強國人投資港股。
170萬買行仔 持七成股權
Andrew最近同天瑪仕以170萬元左右，向一間小型證券行提出收購，𠵱家等緊證監會審批，快則三個星期可以搞掂正式轉手，Andrew持有七成股權，自己做大老闆。如果獲批，間證券行將改名「天瑪仕國際證券」。
最近Andrew應該都係專注開檔同埋搵定潛在客戶，事關佢舊年離開靈獅之後，11月尾開始亦冇幫商台開咪。佢舊年7、8月開始做《在晴朗的一天出發》同《一圈圈》嘉賓主持，商台發言人回應說，監製原先想試吓加強節目嘅財經內容，所以搵Andrew幫手，後尾想轉內容就冇合作嘞。