無綫新劇《老表，你好嘢！》被投訴抹黑內地人，亦有指醜化香港人。飾演表哥的郭晉安自爆曾在街上被女網民鬧，而監製黃偉聲最近接到滋擾電話，監製坦言擔心情況惡化，會否腰斬劇集視乎公司安排。
王祖藍首次編劇的無綫新劇《老表，你好嘢！》內容涉及中港兩地文化矛盾，播出一星期已有很大迴響；湯盈盈疑似影射導遊惡珍、祖藍用半鹹淡廣東話扮內地人及郭晉安講差劣普通話口音均有挑釁性。
在劇中演表哥的郭晉安透露曾在街上被人鬧，他在電話中說：「都幾嚴重吓！我之前喺街遇到一個女仔，仲以為佢嚟同我影相，點知佢話係高登㗎，問我有乜理由代表香港人講國語講得唔正。」問以後會否避免敏感題材？安仔說：「有新題材係好事，希望公司加我人工，咁我就負擔埋呢啲嘢囉。」
監接接滋擾電話
據悉該劇監製黃偉聲前日傍晚收到一男子來電，一輪機關槍式數臭《老表》沒有笑料之餘，還加深中港矛盾問題，並指無綫劇集在沒有競爭的情況下，質素大不如前，揚言會罷看無綫劇集。監製黃偉聲昨日在電話中承認說：「對方鬧咗十幾分鐘，真係好大壓力，唔單止俾內地人話，香港人都鬧，好似兩邊都唔討好。其實大家都係中國人，我哋只係講番現實情況，只想『和諧和諧』。」
問會否腰斬劇集？黃偉聲說：「會同Tommy（戲劇製作總監梁家樹）講聲，聽講外景阿頭都收到類似電話，會唔會腰斬就由公司決定，睇吓之後乜嘢反應先。」無綫截至昨日收到三個電郵及一個電話投訴，指該劇貶低中港兩地人。
收到60宗投訴
通訊事務管理局截至前日共收到60宗投訴，指內容誤導觀眾、加大中港矛盾、抄襲歌曲、嘩眾取寵、醜化香港人、美化大陸人、扭曲事實、令觀眾誤會本地導遊的質素和影響本港購物之都的美譽。祖藍昨日到商台接受訪問時說：「創作時係參考網上話題同時事新聞，全部都係有發生過，大家唔好睇我哋點抹黑，我就俾人抹黑，不過暫時未覺得影響自己內地工作。」祖藍又在微博留言指該劇收視未達40點，反問大家是否不想他結婚。對劇中肥妹角色小寶被網站高登網民封為女神，祖藍表示很高興，證明不同類型演員都受歡迎。
採訪、攝影：王崇穎、馬建華
【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 （電腦版）
http://bit.ly/ent_m2012 （手機版）