每逢周末周日放假，我覺得同成班朋友Hea一個晏晝係最佳嘅節目。好彩周邊嘅朋友都係為食一族，順理成章，每次聚會都會搵好嘢食！上年試過The Pawn嘅維多利亞下午茶，簡直一試難忘，佢最搞鬼係用厚厚嘅砧板代替傳統英式嘅三層架，中西夾雜嘅感覺，幾配合嗰度嘅裝修，可惜食咗一次後，呢款下午茶就消失咗。上星期行過灣仔，竟然見到呢款下午茶重出江湖，仲話永久推出，正！二話不說，即刻拉Honey入去嘆番客。先由英式鬆餅開始，金黃嘅鬆餅外脆，內裏帶少許實淨，配上酸酸甜甜嘅Raspberry Jam，好吃！至於那道拖肥布甸啫喱，更是一絕，啫喱竟有蛋糕嘅質感，而拖肥味唔會死甜，配杯無加奶嘅紅茶，完全令我度過咗一個美好嘅下午。
The Pawn（2866 3444）
地址：灣仔莊士敦道62號
*逢星期五、六、日及公眾假期3pm-5pm供應