早前先話荷蘭球星雲達華治（右）同老婆施維雅鬧緊離婚，點知事隔半個月，施維雅就喺訪問中暗示佢哋兩個已經復合，話自己最愛嘅仍然係雲達華治。據德國傳媒話，兩公婆其實係喺今年嘅新年派對中嗌交，華治仲摑咗老婆一巴，先至搞到鬧離婚，但兩小口耍完花槍後，雲達華治冬季集訓返番漢堡後，就同施維雅喺番埋一齊。