高球前「1哥」、美國球手活士09年因為衰爛滾，搞到身敗名裂，前妻艾蓮仲同佢喺2010年8月離婚。離婚之後，活士成績衰到貼地。唔知係咪認為艾蓮旺夫，最近美國傳媒爆料話，呢位美國球手有意同艾蓮復合，仲話佢為咗表示自己已改過，表示會同前妻簽協議書，列明自己如果再出去曳曳，就要賠3.5億美元（約27億港元）！