唐唐輸咗特首選舉之後，反而樂得清閒，不時同太太郭妤淺周遊列國嘆世界，連南極都去埋。八方噚日喺香港大球場外竟然巧遇行開名店商場嘅唐太，見佢企喺馬路中間個安全島唔知等緊乜，一問之下先知原來佢化身「跟得媽咪」陪囡囡學車。
狼英呃咗個特首嚟做，噚日宣讀首份施政報告，作為最大受害者嘅唐唐唔知有冇喺屋企邊剝花生邊睇直播，邊講「你呃人」呢？唐太笑笑口話冇睇直播，兩公婆都係靠睇新聞去了解施政報告內容。唐唐點睇份施政報告，收唔收貨？唐太就笑而不語，不過八方覺得，一份主力「拖」同「研」嘅施政報告，其實唔睇都冇乜損失。