議員喺議會作肢體反抗，齋係掟嘢、掃枱已經冇乜效果，所以有時要用吓腦，同主席曾鈺成同保安鬥智鬥力。狼英噚日喺立法會廢話連篇，救港無力，社民連長毛睇到眼火爆，忍唔住將本寫上「穩中行騙、口水為民」八字真言嘅施政報告，掟向狼英，點知就被逐出議事廳。
正當狼英、保皇黨以為長毛離場一天都光晒，點知原來仲有下文。喺葉劉提問時，突然狼英嘅死敵唐英年嘅「梁振英，你乜嘢都講大話，你呃人！」金句突然現場廣播。原來長毛離場前，特登留底個校咗時間掣嘅多功能擴音器，到時到候就會響。所以長毛離場後，企喺走廊等待「唐英年爆發」，「木馬屠城」，果然有腦。
齊心一意，打救行騙長官梁振英
http://www.tomonews.net/game/bslapcy/web/