【內容空洞】
競選時「sell」能力、搶民望的梁振英，首份施政報告曝光即「露底」，五年藍圖以長者兩元乘車優惠開局，以延綿不盡的諮詢委員會貫串，被前高官及施政報告寫手批評內容空泛無理念，「細眉細眼」只是「區議員級數」，遠遜前兩任特首的施政報告。更反常的是，梁未有同時公佈施政綱領，具體目標路線欠奉，冗長報告隨時是「亂噏」。
公務員事務局前局長王永平認為梁未有同步公佈施政綱領問題嚴重，「施政綱領咁多年都會出，係各個局就住施政報告提供盡可能量化嘅指標，冇咗呢本嘢，真係冇咗個問責，更加顯示得個噏字。」
「開局小家子氣」
他認為梁的施政報告水準在前兩任特首之下，是回歸以來最空洞，「我嚟唔係想聽你成立咩委員會，係聽你點樣施政。董生講八萬五都叫做有個目標，梁振英好似講咗好多嘢，但幾時交貨冇講，短期即係幾短？中期即係幾中？問多兩問，就話要研究，再問多兩問，又話成熟一項推出一項，咁即係點呀？」
中央政策組前全職顧問劉細良說：「一開始點會講長者搭車優惠呀，起天橋嗰啲？點可以一開局就咁小家子氣？講願景係講重大政策原則，唔等於講廢話，唔係講咩山明水秀阿媽係女人。」他指梁振英只顧吹水，無統籌能力，「曾蔭權都會講基建帶動經濟、增加就業，梁振英淨係好虛咁講同內地融合。」
《蘋果》記者