隔牆有耳：<br>狼英唸咒語變大催眠家 - 李八方隔牆有耳：
狼英唸咒語變大催眠家 - 李八方
失眠人士有救星啦！狼英噚日宣讀施政報告，針對都市人嘅失眠問題，推出加強版安眠藥，議員、官員服用即時見效，不顧儀態，互鬥「放蚊」，擁抱睡魔。無論係有份撰寫報告嘅中策組邵善波、禮義廉葉國謙、定係心底裏暗批報告嘅自由黨張宇人都無分你我，齊心打呵欠捽眼。
【張宇人】
CY份施政報告完全冇扶貧措施，唔通嚇到連「廿蚊張」都「O嘴」驚嘆？
【馮檢基】
曾經撰文寫「假如我是特首」嘅阿基，一早講咗唔期望CY會有扶貧措施，難怪聽到悶。
【林鄭月娥】
唔知「局長奶媽」閉目嘅時候，係唔係幻想緊「假如我在宣讀施政報告……」呢？
【蔣麗芸】
八方懷疑元秋長期專注望CY望得太耐，情人眼裏出……眼水，要抹抹眼先得。
【葉國謙】
「剪布議員」葉國謙做乜咁苦惱呀？唔通狼英太長氣，無奈佢哋又冇得剪布？
【邵善波】
「左王」打呵欠唔通係份報告太悶？定係前晚打報告畀美領館打到太夜冇精神？
攝影：何家達 李家皓
mailto:[email protected]