【集體回憶】
福字麵是不少港人的集體回憶，被收購後不少港人將無「福」消受。原來前立法會議員陳淑莊也是福麵迷；有市民憶述，兒時因福麵揼碎撈調味粉的獨特食法破壞學校清潔，被學校禁食。不少網民紛紛發表意見，緬懷福麵帶給他們的樂趣。
少年食神林澄光憶述，福麵是他兒時最愛，「讀小學嗰陣最鍾意小息時揼碎包福麵，撈包（調味）粉當小食咁食」。他笑言會食到「舔埋個袋」。
林稱，喜愛福麵因「佢有伊麵嘅感覺，另外湯嘅口味同其他麵好唔同」，亦較其他品牌的即食麵便宜。他又稱，另一種食福麵的方法係放個麵落碗用滾水淥熟後進食，「好方便，啱晒懶人一族」。
陳淑莊瞞着媽媽偷食
前立法會議員陳淑莊也是福麵迷，知道福麵被收購後坦言「一定會掛住」，她說︰「細個阿媽唔畀食，就越偷偷去食，明知唔健康，食完會口渴，但死都要食。」她說，讀小學時會弄碎福麵混入調味粉吃，中學的小食部就有淥熟的福麵供同學選擇，「加塊火腿加條香腸就最正」。
市民鍾小姐記得讀小學時同學都愛食福麵，但因其揼碎撈調味粉的食法，令操場和課室變得邋遢，最終校長要禁止小食部售賣，同學也不得在校內進食福麵。市民蔡先生聲稱，八十年代坊間亦有傳言，指一些異端教會透過售賣福麵賺錢。
不少網民得知福字麵被收購後反應不一，有網民認為︰「福字麵只可生食，淥嘅話好難食。」另一網民表示︰「我最like佢包味精。」又有網民坦言由細食福麵食到大︰「褔麵簡直係我童年的回憶，以前小息好多時都『乾』食福字麵」，又以專家口脗說「以前福麵炸得香啲脆啲，但後期冇咁脆；以前包味精多啲香葱同好多淮鹽，所以香好多。」另有網民則擔心，日清收購福字麵後會壟斷香港即食麵市場，獨大令旗下即食麵水準下降及加價。
《蘋果》記者