特首梁振英公佈首份施政報告，雖說政府及一眾「梁粉」早已做好管理期望，但梁將前特首曾蔭權最後一份施政報告中有關公營房屋供應部份幾乎照抄一次；在民生問題上又未能提出具體扶貧措施，雖然建制派昨日仍企硬支持，但有泛民議員笑言，其實不少建制派私下不無怨言，對致謝議案投贊成票「十五十六」。
建制派中人抱怨
有建制派中人私下抱怨，阿爺下的指示是要團結一致支持梁振英，所以就算梁昨日公佈的施政報告並無「派糖」，打擊樓價又未見具體措施，但一眾建制派議員仍要讚好支持，但建制派心知肚明，不少市民對這份報告未必收貨，甚至認為與煲呔、老董年代無大分別，「特別係若果遲下啲民調陸續出嚟，證明民意係唔認同份施政報告，建制派係咪都要繼續投贊成票？押晒自己落去挺梁？」
除了致謝議案是否要死撐梁振英外，該泛民中人指出，建制派更加要想另一個問題，就是梁若在施政報告後民望再跌，日後建制派如何再為挺梁自圓其說？「（建制派）開頭就話誠信唔係問題，最緊要做實事，𠵱家實事做唔到，咁仲用乜嘢藉口？唔通叫市民支持梁振英爭取2018年樓價下跌？」所以有建制派私下「呻」，恐怕繼董建華後，他們又要再捱一段「有辱無榮」，死撐梁振英的「苦日子」！
季陶