唔講唔知，英國啤酒稅係按酒精含量徵稅，面對啤酒稅增加，英國幾大啤酒商諗到條好橋，就係降低啤酒酒精含量。
酒精含量降至3.6%
好多港人like嘅喜力（Heineken）就由下月起將旗下John Smith's啤酒酒精含量，由3.8%減到3.6%。大家以後去happy hour發覺啤酒味淡咗，唔使大驚小怪。
喜力強調，啤酒味同質素唔會受影響，查實英國好興嘅幾隻牌子Tetley's、Worthingtons同埋Boddingtons，酒精含量早就已經減到3.6%，甚至更少。
節流後就到開源，就係要加價提高收入，喜力將批發John Smith's啤酒價格每品脫加2.5便士，即係大概一杯大啤加3毫子港銀，Foster's批發價就加5便士、嘉士伯（Carlsberg）亦一早加咗。