「九龍皇帝」曾灶財嘅「皇帝新衣」首度公開亮相拍賣，普藝拍賣行總經理莊志崗話，今個周末（19日）舉行嘅「港人港畫港拍賣」，全港首次拍賣曾灶財嘅「水墨T恤」 （圖），不設底價。因為以前從未有過曾灶財嘅「墨寶」T恤拍賣，所以估唔到價，但之前拍賣過佢嘅紙上墨寶，成交價都成8萬幾。
藍威寶𠱁曾灶財獻墨寶
呢件衫原來有段故。莊志崗話2002年，物主以一支「藍威寶」𠱁得九龍皇帝好開心，即場喺一件全新白色T恤上親筆御書「中英國王曾灶財、文福彩、曾榮華、曾富堂」，並慷慨賞賜。內容同尖沙嘴碼頭嘅墨寶相似，都係「宣示」佢嘅九龍「主權」。10年嚟物主一直唔敢着、唔敢洗，眼見T恤發黃，擔心保存不善損壞「賜品」，決定公開拍賣「皇帝新衣」。
麥永健攝