中環萬邦行外面，排隊買曲奇嘅人龍再現！裏面嗰間J字頭嘅曲奇餅店，聖誕節前已經吸引大批人排隊買來送禮，農曆新年將至，又有成班人排隊掃貨用來拜年。噚日中午12點喺現場所見，已經賣剩無幾，差不多人人都至少掃十幾廿罐，埋單過千蚊，一位應該係香港人嘅女子仲誇張到拎出成疊1000蚊紙，逐張數來畀錢，認真架勢！