陳慧琳（Kelly）遊巴黎有三好，好行書店、好食甜品、好逛傢俬舖，雖然Kelly不喜歡飲酒，但來到這個迷人的浪漫花都，她都破禁淺嚐紅酒。撰文：皓騫
陳慧琳早前忍痛離開心肝寶貝蝦餃仔和小龍包，遠赴巴黎出席時裝騷，並趁機再遊浪漫花都，她說：「因為下個月出新碟，難得可以去巴黎做嘢兼玩吓，可以趁機鬆一鬆，不過只得三日，要用盡每分每秒。」
多次遊巴黎的Kelly，每次都必做三件事，她說：「去歐洲最鍾意行傢俬舖，款式好經典，其他地方買唔到，今次睇啱兩塊鏡同燈，但size唔啱冇買到。」Kelly笑謂自從生了兒子後，已好少買傢俬，因怕小朋友會容易撞傷，全部傢俬都要包腳，靚都變唔靚。
兒子大過天的Kelly，外遊時必逛書店為寶貝仔搜羅圖書，她說：「今次都有行書店，不過全部都係法文，所以買唔到。」至於第三件她必做的事，就是食甜品，Kelly說：「去法國梗要食甜品，細細件好靚，種類又多。」
擦海鮮嘆紅酒
今次巴黎之行，Kelly還去了嘆著名法國菜，她大讚說：「海鮮好新鮮，每道菜都好精緻，法國飲酒同飲水價錢差唔多，自己平時唔飲酒，都飲咗兩啖紅酒品嚐吓。」
去邊度：巴黎
玩幾耐：3日
【2012年度勁膠金曲頒獎禮】
可能係今年最公正嘅頒獎禮，保證冇內定冇黑幕，快啲去投選你心目中今年最膠嘅歌曲啦！本月20號將揭曉誰是最膠XD
→ http://campaign.appledaily.com/2012awards