【特稿】
外表斯文的被告，在班中成績優異，屬5名之內。讀中六的他一直努力準備應考今年4月的中學文憑試，案發時考試成績差令他感挫敗。他稱：「我冇下一次機會，一個文憑試考生喺最後緊張關頭都仲係咁，會有好絕望嘅感覺。」
父指母患抑鬱症
被告解釋當時考試臨近，若公開試成績差，便浪費一年時間。由於家庭經濟緊拙，他希望可盡快升大學做兼職幫補家計。他稱：「我冇得考會考，只有一次文憑試，我間學校上屆成績唔好，令我更緊張、更驚。」他亦稱遭兩位好友排斥，因他們向另一成績更佳的朋友「埋堆」。
自言學業、朋友及家庭方面均出現問題的他，其證供反映他對父親又愛又恨。他透露父親沉迷賭博，令家人欠下巨債。但他稱知道父親愛錫自己，「但佢唔用把口講出嚟」，在公眾席旁聽的父親聽罷眉頭緊鎖。被告兄長和母親昨亦有到庭支持，其母聽到有關非禮老師指控時不禁落淚。何父在庭外表示，被告曾告訴他打老師一事，他絕不信兒子非禮老師，大讚被告孝順，成績名列前茅：「點都係10名之內。」他透露被告母親患抑鬱症，二人皆無業，靠綜緩為生。
《蘋果》記者