為進一步鞏固同確立禮義廉靠「蛇齋餅糭」籠絡人心嘅印象，禮義廉決定，下月5日開檔嘅維園年宵，會大賣「蛇齋餅糭」福袋2,000個，位位盛惠50蚊（吓！你畀我呀？）。奉大黨諭，唔好講價。福袋「無柿」，但內有蛇年利是封，齋菜冬菇，鬼佬餅乾、寓意糭子嘅紅瓜子。
張國鈞：街坊好鍾意
禮義廉葉傲冬話，今次行動志在「自嘲」，知道個黨成日俾人笑，靠蛇齋餅糭獲得選票，但查實街坊們平日對蛇齋餅糭相當受落，所以今次決定唔偷偷摸摸，光天化日售賣2,000份蛇齋餅糭。
曾經發表「北極有企鵝」妙論嘅張國鈞都話，佢哋平日若果提供唔到蛇齋餅糭，係會遭街坊責怪，仲話啲街坊好鍾意一家大細品嚐禮義廉嘅蛇齋餅糭喎！
禮義廉今次仲印埋Tee，背面大大隻字印上「點止蛇齋餅糭咁簡單？」咁禮義廉向來肩負轉軚、打手、保皇、河蟹嘅四大任務，又的確相當唔簡單。蛇齋餅糭Tee一款兩色，又係50蚊。
禮義廉無懼狙擊，今次強勢回歸維園，用45,000蚊投個檔口嚟賣聲稱係成本價嘅「蛇齋餅糭」，皆因阿爺有的是錢，吹咩？
Ronny話晒都係大律師公會前主席，所以有大律師不滿張曉明狠批前主席，即時離場抗議。Ronny話，呢次交流本身佢都有份去，點知起行前，北京要求大律師公會唔畀佢隨行，最終搞到冇得上京。