【本報訊】政府推出「雙辣招」後，樓市交投轉淡。有地產代理為谷銷情，公然與政府打壓內地炒家的政策對着幹。中原地產一間分行近日張貼一張以「非本地客好消息」的海報招徠，藉買家印花稅（BSD）漏洞向內地買家招手，惹來「出賣香港」的批評。
網民鬧爆：衰過LANEIGE
在facebook「醒吓啦，香港人！」群組，有網民上載了該張海報。海報以簡體字寫明：「現有大量一、二手單位，可連公司一併出售」。宣傳海報的左下方註明毋須支付15%BSD，連財爺鬍鬚曾也給like，大讚：「你真有辦法！」中原的做法隨即惹來大批網民抨擊。
網民揶揄中原是「良心企業，出賣香港」，又鬧爆該公司「為咗做生意，不擇手段」、「香港人渣」、「衰過LANEIGE同D&G！」亦有網民批評：「香港有乜政策，人哋就一定有對策啦！」有網民更揚言「買賣樓、放租都唔好幫襯中原，等佢賣手指！」甚至「應該一人一email向稅局投訴中原，好明顯係騙稅局，如果罪成真係要坐牢」。
施永青：我憑乜出賣香港
中原地產創辦人施永青則回覆時稱：「我冇參與具體業務，唔知具體運作。」但他反駁說：「佢哋（網民）講乜都得㗎啦，使唔使去到咁大嘅政治罪名？我憑乜出賣（香港利益）？佢哋（網民）咁多利益被出賣？」
城市大學公共及社會行政學系副教授葉毅明認為，今次事件只是遏抑樓市辣招的漏洞表面化，「之前有幾多類似嘅公司股樓轉讓都唔知，唔會係第一宗」。他又相信，地產代理可能擔心政府再出招，故在現階段趁機谷客。
政府於去年10月底推遏抑樓市雙辣招，規定所有非本地居民與本地及外地公司在香港買樓，均須支付15%「買家印花稅」；額外印花稅（SSD）的稅率適用期亦由2年延長到3年。不過，辣招存在漏洞，買家可透過公司股權轉讓形式成為單位業主，若該公司BSD實施前已購入單位，將不受BSD限制。