昨日講到肥佬黎秘書Samantha退休，其實不久前亦有一位叫嫻姐的tea lady退休，她更是壹傳媒員工證「冧巴溫」，正正式式係壹字系壹號。沙膽虹入《壹週刊》時，記得除了有嫻姐之外，還有兩位叫娟姐和瓊姐的。九○年《壹週刊》創傳媒先河，周休二日，每天下午三點更有下午茶，由瓊姐推着車仔在公司巡迴，是名副其實的tea lady，有咖啡、奶茶和菠蘿包任揀，同事慳番下午茶錢之餘，亦不用移玉步落街飲下午茶，可以專心工作。沙膽虹當年由其他報館轉過來時，簡直覺得由地獄上了天堂，除了下午茶，還有免費午餐供應，中午可以叫飯盒，有工作需要值夜的，晚膳亦有得叫。記憶中午膳時同事不單叫燒鵝飯，還整隻燒鵝叫回公司開餐，認真誇張。免費午餐肯定造成浪費，公司發覺大量飯盒叫了回來，並沒有吃，最後有同事帶回家餵狗，免費午餐因而取消。瓊姐前年因膝蓋勞損提早退休，偶爾還會見她回來探班。如今連嫻姐都退休，壹傳媒tea lady三寶，都齊齊回家享清福了！
沙膽虹