【要新思維】
對於集金融專家、作家、跑家於一身的蔡東豪來講，要他組班搞新聞網站、參賽毅行者肯定無難度，但偏偏空降精電做廠佬，他真的「零」班底，這位無兵司令可以做的，就是提攜一班精電的70後做管理層。
精電在1978年由當時中大校友張樹成等人創立，一直以來都由多位創辦人掌舵，直至2005年張樹成等股東將精電的控股權售予現時的主席高振順，蔡東豪就是當時被高振順空降精電當CEO，「我做廠佬係半途出家，當時空降到精電，初頭仲係摸索階段……精電有8位founder（創辦人），我入來嗰陣仲有4個響度。」蔡東豪一語道破一班精電70後當時面對的實況，「當你上面嗰個係50幾歲時，你未有得上（位）㗎……」一家成立近30年的企業仍有4位創辦人負責管理，經驗有餘，但新思維可能欠奉。
僅聘請一舊同事
沒有工業班底的蔡東豪加入精電快八年，他只邀請過一名前同事加入公司當公關及人事管理，「我都冇工業班底……只有從現有嘅提升，𠵱家（精電）嘅高級管理層大部份都係在精電做咗十幾年，佢哋𠵱家先有機會上位。」蔡東豪指着身邊一位在精電工作14年、近年才由工程師升為企業發展部的高級經理說。