由於狼振英政府缺人支持，保皇黨惟有使橫手「人人250蚊」參加「挺梁大遊行」，但搞到一心旨在搵銀嘅金毛年輕人，要喺公廁排隊收錢，有啲仲俾人走數，十足十啲警察嫖妓唔畀錢一樣。有人為呢班臨記苦主成立咗個facebook 專頁叫「港九新界有償示威業工會聯合會」，個名似足工聯會啲勞工屬會。
挺梁戲子出賣勞力，有血有汗。工會打正旗號維護示威尊嚴，捍衞工人權益，目標係「拒絕公廁收款」，要求畀錢遊行嘅主辦單位要公開招聘，仲要爭取同工同酬，即係唔好蛇頭就一千，散工就得兩嚿半。
唔知以維護打工仔權益為己任嘅鄭耀棠，有冇興趣見吓呢班苦主呢？