王祖藍近期開始在內地拍劇、出騷密密搵真銀，同時他首次編劇的無綫新劇《老表，你好嘢！》今晚播，內容涉及中港兩地文化矛盾，湯盈盈的疑似影射導遊惡珍角色和祖藍的半鹹淡廣東話內地人，均有挑釁性，隨時再惹起新一輪中港話題。
近期頻頻到內地拍劇、上節目的王祖藍，首次編寫的無綫新劇《老表，你好嘢！》今晚八時半首播，之前劇集宣傳片中，祖藍演講半鹹淡廣東話的內地人，已掀起一陣議論聲，被指有唱衰內地人之嫌，而湯盈盈的導遊角色，猶如2010年謾罵內地遊客的導遊惡珍的翻版，連造型都有九分相似。
在劇中演港女司馬淑貞的湯盈盈，跟郭晉安合資開旅行社，因被內地人騙財，任導遊的盈盈為錢對遊客不擇手段壓榨，大肚盈盈昨在電話中說：「有一場戲係扮阿珍，但只得幾集係做導遊，因為之後都俾人停咗牌。」怕不怕再掀中港衝突？盈盈笑言：「個劇唔係要唱衰人，都有講香港人有乜嘢唔好，呢個係喜劇會誇張啲，大家應該當睇喜劇咁睇，唔使認真探討。」
「兩邊都得罪」
祖藍此劇或再惹中港話題，對於角色有挖苦之嫌，不怕影響在內地發展？他笑言：「大家唔使太敏感，個劇主要講家庭倫理，以中港關係開始啫。香港同內地有好人壞人嘅，冇講內地有乜嘢唔好，香港都有唔好，要得罪可能兩邊都得罪，好公平，喜劇有誇張成份，要得罪都冇辦法。」
祖藍覺得無綫很久沒有瘋狂喜劇，希望過節前大家看得開開心心，劇集叫好叫座。
採訪：丁寧
【2012年度勁膠金曲頒獎禮】
可能係今年最公正嘅頒獎禮，保證冇內定冇黑幕，快啲去投選你心目中今年最膠嘅歌曲啦！本月20號將揭曉誰是最膠XD
→ http://campaign.appledaily.com/2012awards
【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 (電腦版)
http://bit.ly/ent_m2012 (手機版)