【背後苦衷】
劉紹文亦有「揀股王」稱號，過往不時分享細價股「冧巴」，去年他推介的多隻股票，目前不少已升越其目標價，雖然他相信個市未升完，但直言現時揀股已有難度，今次他亦不再畀「冧巴」，取而代之的是以企業的市賬率及現金比率作指標，為大家篩選出多隻有投資價值的股份，例如中遠國際（517）、中國動向（3818）和慶鈴汽車（1122）。
推介股份已大升
踏2013年，劉紹文回顧他去年推介的股票，「之前推介嗰啲，業務無問題，唯一唔同，就係股價升咗一大截。」他表示，有些股票真的升得很快，有些甚至已升超過1倍，再向客戶推介較之前有難度。其中每個農曆年前劉紹文都會向大家推介「利是股」，由於「利是股」的原則是要持貨一年，因此他要揀選一些一年後會跑贏的股份，「要我𠵱家揀股，我確實開始有些少頭痛。」他不諱言，若果分析員揀股時開始覺得有難度，代表升市已行了一截。
不過，劉紹文派返半粒定心丸，認為目前大市尚未進入瘋癲期，「大家仲以享受吓升市先。」他仍以中國經濟復蘇做揀股主題，建議大家選擇周期性及消費類股份，但不再推介個股。