母子同心
曾經係中國省隊跨欄代表嘅石偉雄媽媽（左二），每次囝囝出賽都會去現場打氣。做過運動員嘅佢可能理解到，家人嘅支持對運動員好重要；石仔（右）都話每次有家人在場，自己都會更起勁。
人強馬壯
闊別香港比賽兩年多嘅Angel難得亮相，除咗喺上海做嘢嘅爸爸嚟唔到，媽媽（右二）同大住肚嘅阿嫂（右一），仲有cute爆兩歲幾嘅侄仔（右三）都有到場撐足全日，真係跳得又睇得。
估佢唔到
你哋估下呢位小不點幾多歲？真係講都唔信，佢矮Angel一半，斷估最多10歲，但竟然係同Angel一齊喺公開組比賽；一問之下，原來呢位嚟自湖南嘅代表叫肖嘉樂，佢話自己13歲，高1米3。
