今年係六四事件24周年,小學讀乘數表都有學過,6x4=24。有民間團體就用咗呢條數,設計咗一款印上6x4..24嘅萬用小布袋,有橙色、黃色、灰色、綠色幾隻色,可以拎返學校當筆袋又得、用嚟放小雜物又得,係宣揚平反六四訊息嘅隨身必備。呢個袋仔係「展才基金」製作,個組織係由一群香港本土工廠妹自發集資組成,想用製衣技能同經驗,加上創意手藝,復興「香港製造」。呢個咁有創意嘅平反六四袋仔,喺支聯會有售,每個售價30蚊。如果年宵都有售嘅話,八方一定會去幫襯。