王家衛拍的《一代宗師》成為很多人心目中的《一代中指》，對，就是伸出中指。
我未見過如此反應極端的電影，那天甫一散場，身邊幾個觀眾出口快過詠春的小念頭﹕「乜×嘢戲嚟㗎？都唔打嘅！」「呢齣戲要拍三年？三個月俾多佢啦！」「梁朝偉大茄嚟㗎，行行企企，如果唔係嗰幕雨中開片，佢真係無嘢做過喎﹗」「×！好似睇MV咁，想點㗎！」
有人反駁：「王家衛嘅片係咁㗎啦！佢係拍文藝片㗎嘛！」「但呢套明明係打片喎。」「佢唔係拍打片。」「一代宗師唔係打片？」
這個反應似曾相識，看《少年Pi奇幻漂流》時，散場也有人抱怨：「又話奇幻，都無放魔法嘅！」甚至看《孤星淚》時，我也聽到有觀眾問：「撞鬼！原來成場係咁唱歌唔講嘢㗎喎！」就等於看足球比賽然後問「佢地原來唔用手㗎。」
你不能怪觀眾，誰叫電影宣傳的時候，不斷強調梁朝偉如何拍戲拍到打斷手、章子怡如何拉筋落一字馬、張震如何拍戲練武練出一個武術冠軍。宣傳不斷強調打鬥的激烈，但觀眾發現：似跳舞多過習武。
其實這部戲的賣點不是打鬥，而是賣王家衛式的人生金句。戲中的趙本山，每句說話都是借喻，話中有話，甚有味道。
戲中有一幕，宮羽田和葉問準備交手，宮羽田卻說，今天不比武功，比想法。
這句話是全戲主旨。
王家衛的葉問和甄子丹的葉問，後者比武功，一個打十個技驚四座；王家衛賣想法，賣人生哲理。「一條腰帶一口氣」、「念念不忘必有回響」、「老猿掛印重在回頭」。
分餅一幕最有意思，苦於不能劇透，只能說：分餅一幕，其實可以拿來調和國家統一或分裂的矛盾。