強積金收費設上限已入立法程序，針對收費貴到離譜嘅成份基金。積金局資料中最貴五隻強積金，有三隻屬於超人旗下嘅AMTD，其中AMTD景順目標2048退休基金開支比率竟達4.62%，即係話一年賺唔到4.62%就蝕硬。其實隻基金由景順管理，受託人係銀聯信託，咁AMTD嘅角色係乜？簡單講就好似百佳超市咁，佢就負責賣畀你。景順、銀聯、AMTD都要賺，三重收費點會唔貴！
這類俗稱懶人基金嘅退休年期目標基金，市面上還有銀聯、富達及宏利提供。銀聯、富達開支比率均低於1.8%，宏利則約2.1%。銀聯四隻基金過去一年回報14.78%至15.69%，獲理柏最高評級。AMTD四隻懶人基金同期回報只介乎8.51%至13.56%，可謂收費貴、回報低。
魯毛丘