【特稿】
行政會議成員林奮強去年10月鬼拍後尾枕，自爆向物業代理提供懷疑非法回佣後，即遭廉署立案調查，由去年11月無限期休假至今。
拒交代廉署調查進度
雖然外間一直要求林奮強辭職以免拖累政府，但他日前對本報記者稱，至今「冇諗過」要辭職問責，又拒絕交代廉署調查進度。林奮強上周四出席「香港黃金五年（2010-2014）盛衰關鍵」論壇。
本報記者即向林查詢廉署調查其案件進度，但林全程拒絕回應，只笑說：「我要處理啲賣樓事情，我要處理咗，跟住一次交代晒，費事你哋又話我唧牙膏。」記者即追問他會否為事件請辭，林奮強即時「黑面」，強調自己「冇諗過呢啲問題」。
此時記者再追問林會否就事件向公眾致歉，林奮強顯得不耐煩說：「唔講呢啲subject（話題）」，其後又化身「人肉錄音機」，不論記者如何追問，他亦只答：「處理咗就會交代。」
林在休假期間不支取行會酬金，但他生活無憂，又說自己生活「不只有行會」，休假兩個月來一直進行香港發展的研究及出席論壇，「我做好多嘢、好多研究㗎！」。
《蘋果》記者