【投資篇】
沒有重複祖輩的事業路，但父母一套價值理論深深烙在王賢誌身上。跟從家中從不借貸炒樓的準則，他投資的一批1500呎以上豪宅，最好成績只賺到五成，未有捕捉樓市的瘋升，但間間都穩打穩紮。
王賢誌最大的投資是與母親王胡麗明名義，共同持有價值近4000萬元的兩個豪宅。雖則只做豪宅捧場客，但從來都一筆過找數，他坦言，「屋企唔鍾意做按揭，以我所知佢哋冇借過錢買樓買車。好小心，永遠唔會炒樓翻幾倍，賺20%至30%就放，又要自己鍾意先買嚟投資。（跌價）可以擺到賺為止，所以未試過炒燶樓，某程度上影響埋我嘅諗法。」
投資唱片公司被呃錢
「身邊好多人成日都係諗緊呢啲問題，驚𠵱家唔買遲下會走寶，夾硬都走去買……但個樓市膠着，加埋啲印花稅，呢個時候冒險咗啲。我暫時揸住嗰啲已經覺得夠，睇多大半年至一年先；有向家人提議過買三、四百呎工作室，但佢哋覺得冇用。」他去年換樓搬到奧運站帝峯．皇殿，未打算再出手，反而正放售手上的長沙灣郝德傑山連天台1500呎單位。
王賢誌說，不喜歡將錢交給投資顧問打理，只是間中買股票，所佔比例很小，「跟人買過40萬股票，一買即刻喺好短時間跌到黐咗線，嚿錢得番一半。」而在生意投資上他亦未有成果，在TVB第四年主持娛樂節目《K100》後開始爆騷，月薪一下子漲達十多萬，加上由此而來的外快，年收入有200萬，算是賺到人生第一桶金，當時就向一家小型唱片公司投資，卻被騙去二、三十萬，其後都未有意再投資新生意。