如果先前忠奸分明的葉問電影只有黑白兩色，王家衛的《一代宗師》大抵是部彩色製作，文戲武唱在片末透過梁朝偉的口來自嘲。導演王家衛語重心長希望入場的觀眾要持開放態度，不要先入為主。電影裏頭沒有背負民族大義，講的只是宗師一生，隱含傳承武術。動機簡單，卻需要宏大的氣魄及胸襟。宗師問世，「一橫一直」未必是簡單的票房數字。功夫講傳承，電影同樣都是。
撰文：何永寧
先來題外話，就算你不是章子怡的粉絲，看完《一代宗師》你必然打從心底喜歡她在戲中宮二的角色，千回百轉愛得含蓄但不害羞，因為喜歡人沒有錯。導演王家衛大前日在台北接受本報記者專訪，話題離不開近日上映、醞釀經年的電影《一代宗師》。先不以票房論英雄，基於甄子丹近年儼如宗師葉問電影代言人，宗師長子葉準亦講過「睇完甄子丹都唔知王家衛可以點拍」的疑問，王家衛寄語入場的觀眾要用心去觀賞，他說：「知道好多觀眾睇葉問都係抱住睇武俠片嘅心情，不過我想從宗師一生講到武林。入場前唔好先入為主，應該用開放嘅態度去睇。從宗師嘅遭遇體會到民國精神，知道中國人大時代點面對困難，一步一盞燈。」
見識武者獨有霸氣
葉問一生橫跨晚清到民國、抗日後來到香港，王家衛說：「前半生係一本民初歷史，有關葉問嘅文字記載好少，40歲之前，好多都係傳說故事。最為人熟識當然葉問係李小龍師傅，事實上李小龍承認好多性格受師傅影響，所以睇《一》片會覺得葉問有李小龍身影，事實係反過來徒弟模仿佢。」
武者獨有的霸氣，在王家衛拜訪一班老拳師時見識到，他說：「一位慈祥老人家，一上台佈招，變成另一個人，係武者嘅勢，所以我堅持演員都要真練上手。因為武者嘅自信、姿態語言同動物性，冇學過唔似。」戲中更有劉家勇、羅莽等武術演員出現，王家衛說：「細個睇邵氏武俠片大，拍呢部戲之前搵咗劉家良師傅畀意見，佢話『細佬你好嘢，夠膽拍呢部片』，章子怡學嘅八卦掌佢話打出嚟好靚，劉師傅係洪門宗師，所以搵佢一脈相承嘅家勇哥幫手。」
要稱得上宗師，王家衛認為要兼備德、言、行的成就，他說：「武術宗師除咗要好打，仲要德行同傳世，唔係你幾好打都只可以叫高手。」對於《一》片由宗師的一生引伸到民初歷史，最後電影的中心思想去到武學的傳承，原因是做資料搜集時被一班老師傅所啟發，王家衛補充說：「頭三年嘅資料搜集裏面，見到好多門派嘅老傳人，好似形意掌、八封掌嘅師傅，佢哋都毫無保留講佢哋門派嘅故事我聽，令到我好感動。」更欷歔的是可能是若干年後，正宗的中國武術要在外國才能學到，王家衛說：「八卦掌位女傳人同我講，有位日本後生仔專誠嚟中國，用咗三年時間用心咁學，已經得到真傳，令我更加想講番武術承傳嘅問題。」
偉仔脫周慕雲影子
當梁朝偉在片尾着起西裝影身份證相，加上點煙一幕出現時，令人想起《花樣年華》周慕雲的影子，王家衛承認是眾多場口中最難拍的一幕，他說：「偉仔一點起煙畀人好自然想起周慕雲，呢場係其中一場難拍。我同偉仔講『你要唔好俾人覺你係」，見偉仔坐我就知成功，因為周慕雲唔會坐得咁直。」武術有宗師，電影亦可以，已故的胡金銓可以當之無慚，王家衛說：「宗師要見過自己、見過天地、見眾生，即係有嘢傳世啟發到後世人，胡導演毫無疑問都做到。」
攝影：陳志嵐
【2012年度勁膠金曲頒獎禮】
可能係今年最公正嘅頒獎禮，保證冇內定冇黑幕，快啲去投選你心目中今年最膠嘅歌曲啦！本月20號將揭曉誰是最膠XD
→ http://campaign.appledaily.com/2012awards
【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 (電腦版)
http://bit.ly/ent_m2012 (手機版)