【工作篇】
不經不覺，王賢誌已做了五年生意人。大部份觀眾也許仍未察覺到他這個轉變，皆因他打理的保健品公司至今只向市面推出四隻產品，曝光率還不及他的兼職──在now電視主持娛樂節目，以及間中以外快形式接下的司儀工作。
王賢誌最近為宣傳新產品接受連串訪問，談到公司過去發展較慢，要到內地、美加等地篩選有效的中西藥，首隻產品至2009年才開售；主因要將中藥引進香港牽涉很多條例。「中藥註冊過程好繁複，要做好多測試，速度唔係我可以控制到。仲要好小心，因為最緊要嘅係公司名譽，同埋附屬於母公司王氏港建（532），唔可以做任何嘢影響到集團。」
擬推更多保健食品
公司規模一直僅約10人，但他說，團隊有中西醫專家的配合，兩年多以來已代理了兩隻產品，其餘兩種則是與藥廠合作研發。「新一年將有兩、三隻產品出嚟，中長期嘅目標係推更多中藥以外嘅大眾健康食品，好似啱細路嘅糖果、飲品等。我都係一樣咁宣傳，但就唔使受制於衞生署嘅中藥條例搞咁耐，搞完兩、三年出到嘅產品已經過晒氣。」