【本報訊】維園年宵尚餘不足一個月開鑼，部份參展商已經準備就緒；其中競投時已經火藥味十足的雞仔餅大王與砵仔王兩檔更大打對台。雞仔餅大王大搞新意思，首推一雞六味雞仔餅和標榜健康蔗糖西樵大餅吸客；砵仔王亦創意十足，炮製全新的爆炸糖葱餅、平民貓屎咖啡應戰。受到租金和原材料價格上升影響，部份參展商表示會加價一成。
記者：蔡朗清
砵仔王早前以天價13.5萬元，擊敗雞仔餅大王投得維園60號檔。砵仔王業務經理鍾美慧表示，今次競投攤位租金較上年高出一倍，為了增加客源，大晒冷銷售逾百款小食，數目為過去歷年年宵之冠，計有砵仔糕、白糖糕、叮叮糖等傳統小食，「舖租咁費，我哋都冇諗住賺錢，希望打個和就算」。
有得食又有得玩
同樣是年宵常客的鍾美慧表示，年年售傳統小食，今年希望能將產品多元化吸客，首賣近年流行的越南貓屎咖啡，「大家都認識多咗貓屎咖啡，喺年宵檔賣越南貓屎，500克裝賣368蚊，實行平民化」。
說到砵仔王的年宵秘密武器，就是自創爆炸糖葱餅。鍾美慧稱，將原本已經絕迹、近月又再重現的爆炸糖，與懷舊的糖葱餅結合，做法是在粉皮上放糖葱、椰絲時，再加上爆炸糖，「將脆脆嘅糖葱餅食落口嗰陣，口腔會有一陣陣爆炸糖爆炸聲，口感獨特」。她指，客人亦可購買傳統的糖葱餅，吃一口後，再將爆炸糖自行加入餅內，「有得食又有得玩，仲有蘋果、西瓜等口味供選擇」。
食品料加價一成
至於位於維園61號檔的雞仔餅大王亦以「大堆頭」吸客，銷售50多款小食，數目同樣是歷年之冠；董事長梁銳洪指出，雞仔餅迄今已累積了原味、咖喱、南乳等五款口味，今次更新增在天寒地凍暖胃的胡椒味，「胡椒雞仔餅，全港獨家，實行一雞六味，任君選擇」。
梁銳洪續稱，其他新增食品，計有標榜健康的蔗糖西樵大餅、應節角仔，以及失傳已久的桂花脆雞條，「用咗花雕、玫瑰露搓麵粉，啲雞仔條特別香，搵咗好耐先搵咗個老師傅肯做」。
梁銳洪指，由於食材、人工等上漲，成本約上升兩成，故部份食品需加價一成，主打雞仔餅由每磅40元，加至44元，「我喺荃灣同沙田嘅年宵都有擺檔，希望整體生意額有一成增長」。