今屆英超最出名嘅兩大爆炸頭，一定係愛華頓嘅費蘭尼，同埋車路士嘅大衛雷斯（圖）；不過雷斯媽媽喺周四晚，突然將一地頭髮嘅相放上twitter，就令人懷疑呢啲頭髮係雷斯剪落嚟嘅。有指可能係佢唔滿意車仔喺周三英聯盃準決賽首回合以0:2不敵史雲斯，於是削髮洩憤；亦有指係25歲嘅佢覺得既然自己轉踢中場，需要有個新look襯番喎！