2007年新人狀元奧丹登陸NBA飽經波折，長期受到膝傷困擾，喺拓荒者養傷多過比賽，球隊逼於無奈喺2012年3月將佢裁走。不過休息一輪後，奧丹傷勢好轉，佢接受訪問時都表示希望復出，而且已經有多支球隊想簽佢，包括內線實力薄弱嘅熱火，不過講緊都係下季嘅事。其實奧丹𠵱家先至24歲，就咁退休真係好可惜。