無綫《勁歌》總選將於後日舉行，因跟五大唱片關係依然冰封，為免頒獎禮變相為英皇及星煥演唱會，無綫諗計請其他公司又未有角逐的如薛凱琪（Fiona）及謝安琪演出。Fiona前晚和關淑怡錄影《勁歌》，只見關淑怡不修邊幅鼻毛外露，更露出肥腩和肚紋。
關淑怡、薛凱琪和周國賢等前晚到將軍澳電視廣播城錄影《勁歌金曲》，身穿一身黑衣的關淑怡不知是否不夠時間準備，只見她鼻毛外露，穿露腰裝又露出肥腩，腩上更有褲痕，相當礙眼。
總選或改形式
傳聞是最後一次的《2012十大勁歌金曲頒獎典禮》將於後日舉行，有份籌備的無綫高層陳家揚前晚表示總選將由曾志偉、崔建邦及黎芷珊做主持，關淑怡、謝安琪（Kay）、薛凱琪、側田和鄧紫棋（G.E.M.）擔任嘉賓演出，當晚會頒發43個獎，同樣要有出席的歌手才有獎。問到《勁歌》總選是否最後一年？陳家揚說：「唔會，不過會研究可能有唔同形式舉行。」
Fiona早前做無綫騷谷胸上陣，但前晚卻很密實，她笑言：「上次係幻覺，咁《勁歌》家庭式啲，便服啱同親切啲，加埋着咗高踭鞋，我想重心穩啲。」
Fiona：唔使墊
Fiona表示會悉心打扮出席《勁歌》總選，尊重但不一定要性感，會否和Kay夾一夾？Fiona直言對方比自己好身材，問她會否備戰，Fiona卻誤會戰為「墊」，她說：「唔識答，可以做嘉賓都好開心，大家都係想聽歌，唔使墊。」
因為老闆陳國強成為無綫話事人，狄易達去年在無綫的機會明顯很多，問他要得甚麼獎？他說：「要攞最受歡迎男歌星，林峯想要乜我都想要。」但狄易達最後指自己上年度冇派歌，故根本沒有機會。
採訪：楊潔雯
攝影：林德雄
【2012年度勁膠金曲頒獎禮】
可能係今年最公正嘅頒獎禮，保證冇內定冇黑幕，快啲去投選你心目中今年最膠嘅歌曲啦！本月20號將揭曉誰是最膠XD
→ http://campaign.appledaily.com/2012awards
【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 （電腦版）
http://bit.ly/ent_m2012 （手機版）