【後果嚴重】
雖然美國傳統基金會繼續將香港評為全球最自由經濟體，但同時警告新政府多項施政正危害香港排名。有熟悉基金會人士指出，傳統基金會最擔心梁振英用民粹治港，認為較福利主義更損害香港自由經濟，該人士表示：「福利主義只係畀福利窮人，民粹就係邊個嘈畀邊個，後果仲嚴重。」
「邊個嘈就畀邊個」
傳統基金會屬美國保守派組織，主張小政府，限制政府開支和規模、捍衞傳統價值，基金會每年評定全球自由經濟體排名，香港多年來均取得第一名，新加坡緊隨其後排第二，傳統基金會數年前已警告香港政府干預越來越大，又實行最低工資，會危及香港排名，但以今年提出的警告最為嚴重。
有熟悉基金會人士指出，基金會多項批評中，以香港越來越民粹最為憂慮，因為在他們眼中，梁振英用民粹治港，較他在港推行福利主義，對香港自由經濟損害更大，他說：「佢哋（傳統基金會）認為，福利主義都叫有原則，希望窮人先畀福利，民粹主義係社會邊個嘈就畀邊個，係全無原則嘅干預，對香港有好大損害。」
有官場中人指出，以往曾蔭權政府會對全球自由經濟體排名非常着緊，「就算曾蔭權話不再行積極不干預，都唔會行福利主義同民粹主義」。
不過，該官場中人相信，梁振英政府不會介意香港經濟自由度排名下跌，「佢（梁振英）喺社會政策立場好左傾，亦唔太理呢類美國右派機構排名」。
《蘋果》記者
齊心一意，打救行騙長官梁振英
http://www.tomonews.net/game/bslapcy/web/