《樂》當型男遇上型男，令陽光普照嘅沙灘更加熱力四射！我求大俠講緊乜？之唔係講緊兩大已掛靴型男列納同埋舒夫真高囉！佢哋咁啱一齊同家人喺巴巴多斯度假，仲喺沙灘上面遇到，咁就順理成章咁傾幾句同埋一齊玩。雖然兩人已經退休，但39歲嘅列納同埋36歲嘅舒夫真高身形都冇走樣，仲係好鬼fit；加上兩個都係靚仔，搞到沙灘上唔少泳客眼望望！