政府出辣招要打壓樓市，恒地李兆基開售九龍城單幢樓，兩年期樓花實用面積每呎賣二萬二千元，立法會議員田北俊和田北辰兩兄弟家族的萬泰，亦無懼辣招在九肚山再下一城，與永泰等財團以十四億七千萬再奪一地，樓面呎價高達一萬元，較前年投得同區地皮樓面地價五千四百貴近倍，亦較去年投得同區地皮的九千五百元樓面地價略高，顯示田少繼續看好四年後樓市。
四年後樓市點睇？沙膽虹真的唔敢講。事關香港政府能控制的其實只有供應，而政府手頭的熟地儲備根本又有限；需求因素則很視乎外圍經濟，特別是美國。伯南克對香港經濟話事權，其實仲大過鬍鬚曾，若然美國失業率提高到達百分之六點五，通脹重臨，超過聯儲局的指標，伯南克提早退市，利率回升，帶動香港樓按利率回升，樓宇需求就立竿見影減少，樓價想唔跌都難；相反若然美國經濟持續不振，放水政策持續，利率回升無望，則樓市仍有得癲。政府實施買家印花稅，抑壓國內人來港買樓，作用非常有限；而三年內轉手的額外印花稅更只能趕絕短線炒家，影響不到實際用家的需求。
一切主要睇美國。
沙膽虹