國泰航空（293）啱啱擺平勞資糾紛，新近聽聞國泰用咗55億起嘅新貨運站，打算過咗農曆新年假期，下月21號正式啟用，睇通勝，呢日真係宜開市、移徙、祈福喎。
逐步搬離HACTL
國泰𠵱家用緊香港空運貨站（HACTL）處理空運貨物，即使轉用自己主場，都唔係一下子就搬走晒啲貨，而係分兩、三個階段，分開唔同貨物種類咁搬。
據聞，國泰新貨站已經請咗350人，另外兩間外判搬運公司就額外請咗200名搬運工人。隨住新貨站今年陸續分階段啟用，將會不斷請人，過咗年有興趣搵工跳槽，又唔介意老遠入到機場返工嘅話，不防留意吓啦。
李華華