周一紐約人主場不敵塞爾特人，賽後傳出紐約人前鋒安東尼（7號）對綠軍前鋒加尼特（中）嘅言語挑釁唔忿氣，想衝入對手更衣室同加尼特隻揪，只係俾警衞阻止云云。不過周二安東尼就淡化事件，解釋只係希望搵加尼特單對單見面；以兩個成熟男人嘅態度講吓有咩問題。咁又係，安東尼2千幾萬美元年薪，身驕肉貴，咁容易出手咩。