【本報訊】本報日前報道一名同志騙徒，涉嫌在酒吧結識一名大學男生後，偷去對方6萬多元財物，警方至今未採取行動，報道刊登後，多名男子向《蘋果》報料，聲稱遭案中騙徒行騙，曾報警求助，但毫無進展，其中一人被騙去14萬，企圖跳樓自殺獲救。記者往騙徒以及其父母住所，發現一家三口全部失蹤。
記者︰馮詩媚 司徒韋桐
報稱遭該名叫「阿然」男子行騙的受害人，大部份是銅鑼灣一家酒吧的客人，亦有人為該店侍應。其中一名23歲酒吧侍應Andy，2011年被阿然騙去14萬，一時想不開，在生日當天走上酒吧天台企圖跳樓，第二天成了新聞人物。一年過去，Andy仍然鬱結難紓︰「俾佢呃晒啲錢，又搞到周身債，覺得生存冇意義。」
自稱酒吧股東偷圖章
Andy三年多前在酒吧結識阿然，「佢同老細好熟，對佢無戒心」。他說酒吧老闆2010年9月回英國休假，阿然第二天即拿着酒吧鎖匙，表示自己已入股，之後以老闆姿態出現酒吧，「佢問我想唔想夾份開酒吧，仲帶我去一間裝修緊嘅樓上吧門口睇」。
投資酒吧要14萬，Andy傾盡5.5萬元積蓄，尚欠9.5萬元，阿然便叫他一起到九龍灣一家財務公司借錢。「我月薪唔夠一萬，佢就用公司印做咗假入息證明。」兩個多星期後，酒吧老闆Ricky揭發阿然冒認股東，之後阿然便絕迹酒吧，Andy才知道自己被騙。
「我即刻報警，但警方捉唔到人，𠵱家每個月要還四、五千蚊，仲有兩年先還完，自己連食飯錢都唔夠，佢害得我好慘！」Andy說時一臉憂愁。
夥計中招，同是受害人的老闆Ricky，一提阿然便氣極︰「佢係熟客，後來同我一個朋友住埋，大家變成自己人，邊估到佢佈局呃錢！」Ricky懷疑阿然偷去酒吧鎖匙和印章後複製，在他放假期間冒認股東偷錢，其友人更在阿然房間找到公司印章和銀行借貸的申請書，於是即時報警。
他說酒吧最少30名客人也中招，「佢叫啲客幫佢出iPhone4，每部有一千蚊酬勞，結果手機到手後就冇再交台費，啲客要幫佢揹兩年台費，每人損失萬幾蚊！」Ricky說客人已報警。
帶父母與受害者食飯
另一名受害人「佐生」（28歲）向記者說，他曾與阿然多次約會，「佢有次帶我去一間幾高級嘅酒樓食飯，仲帶埋阿叔同阿姨，啲侍應見到佢哋好熟絡咁打招呼」。他被阿然騙去5,000多元，但事後在追討過程中，發現阿然並非「有錢仔」，所謂的阿叔阿姨原來是其父母，一家三口住在竹園邨，父親是小巴司機，「佢哋係賊家庭，唔知呃過幾多人！」。
本報上月報道大學生Milo被阿然偷去名牌手袋及盜用信用卡消費後，到旺角警署報案，但警方至今未找到阿然。記者近日根據受害人提供的資料，在阿然位於粉嶺小坑村的住所等他，但發現人去樓空。
有其他受害人指阿然跟父母居於竹園邨，但記者到該單位，發現父母亦已遷出，一家三口不知所終。
